Ministri i Punëve të Brendshme, Flamur Sefaj përmes një statusi në profilin e tij në facebook ka njoftuar se në bashkëpunim me autoritetet policore të shteteve të ndryshme të rajonit duke përfshirë edhe Slloveninë, nën asistimin dhe koordinimin e EUROPOL-it  ka rezultat me një operacion të suksesshëm policor në luftën kundër kontrabandës më migrant, shkruan arbresh.info.

Ai ka shkruar se lufta kundër krimit të organizuar dhe korrupsionit mbetet prioritet i institucioneve të Republikës së Kosovës.

Ky është statusi i tij i plotë në facebook:

“Një bashkëpunim i vazhdueshëm ndërkombëtar i Policisë së Kosovës me autoritetet policore të shteteve të ndryshme të rajonit duke përfshirë edhe Slloveninë, nën asistimin dhe koordinimin e EUROPOL-it  ka rezultuar me një operacion të suksesshëm policor në luftën kundër kontrabandës më migrant.

Lufta kundër krimit të organizuar dhe korrupsionit mbetet prioritet i institucioneve të Republikës së Kosovës.

Ky operacion tregon edhe një herë së anëtarësimi i Kosovës në Interpol dhe organizata tjera të sigurisë është i domosdoshëm, dhe ky proces nuk është politik por i rëndësisë operacional/policor”, ka shkruar ministri Sefaj në facebook./arbresh.info/